اسلام آباد (نیوز ڈیسک) ملک بھر میں آج سونے کی قیمتوں میں نمایاں کمی ریکارڈ کی گئی ہے جس سے مارکیٹ میں خریداروں کو کچھ حد تک ریلیف ملا ہے۔

آل پاکستان صرافہ جیمز اینڈ جیولرز ایسوسی ایشن کے جاری کردہ اعداد و شمار کے مطابق فی تولہ سونا 8600 روپے سستا ہو کر 5 لاکھ 19 ہزار 962 روپے پر آ گیا ہے۔اسی طرح 10 گرام سونے کی قیمت میں بھی کمی دیکھی گئی ہے، جو 7373 روپے گھٹنے کے بعد 4 لاکھ 45 ہزار 783 روپے رہ گئی۔عالمی منڈی میں بھی سونے کے نرخ نیچے آئے ہیں جہاں فی اونس قیمت 86 ڈالر کمی کے بعد 4972 ڈالر پر پہنچ گئی ہے۔