روم(نیوز ڈیسک )اٹلی میں ایک ڈیزائنر نے ایسے اسپیکر متعارف کروائے ہیں، جو موم بتی کے چلتے ہی موسیقی کے سر بکھیرنا شروع کردیتے ہیں۔اس اسپیکر کو ناصرف وائرلیس بلیو ٹوتھ ڈیوائس کے ذریعے کنٹرول کیا جاتا ہے، بلکہ جیسے ہی اس کے شیشے کے اندر ایک مو م بتی جلا کر رکھی جاتی ہے تو اس سے نکلنے والی تپش کے ذریعے یہ اسپیکر میوزک بجانا شروع کردیتے ہیں۔اس اسپیکر کو بلیو ٹوتھ کے ذریعے موبائل فون سے ہدایات دی جاتی ہیں اور جیسے ہی موم بتی بجھ جاتی ہے، تو یہ اسپیکر بھی رک جاتا ہے، جسے دوبارہ آن کر نے کیلئے موم بتی کا شعلہ جلانا پڑتا ہے۔اس اسپیکر پلس کینڈل کو ڈائینگ ٹیبل پر رکھ کر کھانے کے ساتھ ساتھ میوزک سے بھی محظوظ ہوا جاسکتا ہے۔