نیویارک(نیوز ڈیسک)امریکی ریاست ہوائی میں ایک ماہرمعذور مصور نے اپنی حیرت انگیز صلاحیتوں کی بدولت دیکھنے والوں کو دنگ کر دیا ہے۔12 سال قبل ایک روڈ ایکسیڈنٹ میں معذور ہونے والا یہ شخص اپنے شوق کی تکمیل میں جسمانی کمزوری کو آڑے نہیں آنے دیتا اور پینٹنگ برش کو منہ میں تھام کر کینوس پر شاندار فن پارے تیار کر دیتا ہے۔ہاتھوں سے مصوری کرنے والے افراد تو صرف اپنے فن کا داد وصول کرتے ہیں تاہم موس ہملٹن جیسے افرادنہ صرف اپنے فن کی بدولت لوگوں کو حیرت میں مبتلا کرتے ہیں بلکہ ہمت اور حوصلے کی بھی شاندار مثال کے طور پر دنیا کے سامنے اپنی دھاک بٹھانے میں کامیاب ہو جاتے ہیں۔