پیرس (مانیٹرنگ ڈیسک) کورونا وائرس کی وجہ سے ویکسین مخالف لوگوں کو ایک نئی تحریک ملی ہے جس میں وہ یہ افواہیں پھیلا رہے ہیں کہ ویکسین کے ذریعے انسانوں کے جسم میں باریک الیکٹرونک چپ شامل کر دی جائے گی، زہر دیا جائے گا یا پھر بیمار کر دیا جائے گا۔
اگرچہ کورونا وائرس سے نمٹنے کیلئے فی الوقت کوئی ویکسین ایجاد نہیں ہو پائی لیکن ماہرین اپنی کوششوں میں دن رات تیزی لا کر اس وبا سے نمٹنا چاہتے ہیں۔ لیکن ویکسین مخالفین کی تعداد اگرچہ بہت کم ہے لیکن اس وبا کی ویکسین کیخلاف سوشل میڈیا پر پہلے ہی غلط معلومات پھیلانا شروع کر دی ہے۔
