نیویارک(این این آئی )اقوام متحدہ کے ہائی کمیشن برائے مہاجرین (یواین ایچ سی آر )نے خبردار کیا ہے کہ نئے کورونا وائرس کی عالمی وبا کی وجہ سے نافذ کردہ پابندیوں کے باعث دنیا بھر میں عورتوں کو گھریلو تشدد اور دیگر صورتوں میں نا انصافیوں کا سامنا ہے۔غیرملکی خبررساں ادارے کے مطابق پیر کو جاری کردہ بیان میں کہا گیا ہے کہ
مہاجر خواتین اور اندرون ملک بے گھر خواتین قرنطینہ میں خود کو تشدد سے بچانے میں ناکام ہو رہی ہیں۔ یو این ایچ سی آر نے متنبہ کیا ہے کہ خراب معاشی صورتحال اور دستاویزات کی عدم دستیابی ایسی متاثرہ خواتین کو جسم فروشی کی طرف بھی دھکیل سکتی ہے۔ ہائی کمیشن نے حکومتوں پر زور دیا ہے کہ خواتین کے تحفظ کے لیے اقدامات کیے جائیں۔
