بیجنگ( آن لائن )عالمی ادارہ صحت (ڈبلیو ایچ او) نے کہا ہے کہ کرونا وائرس ایک وبا کی صورت اختیار کرنے کے قریب پہنچ چکا ہے تاہم اب بھی مطلوبہ اقدامات کے ذریعے اس کے پھیلا پر کنٹرول حاصل کیا جا سکتا ہے۔
میڈیارپورٹس کے مطابق عالمی ادارہ صحت (ڈبلیو ایچ او) نے کہا کہ کرونا وائرس ایک وبا کی صورت اختیار کرنے کے قریب پہنچ چکا ہے تاہم اب بھی مطلوبہ اقدامات کے ذریعے اس کے پھیلا پر کنٹرول حاصل کیا جا سکتا ہے۔ادارے کے ڈائریکٹر جنرل ٹیڈروس ایڈہینوم گیبریسوس کے مطابق دنیا بھر میں کرونا وائرس سے متاثرہ افراد کی مجموعی تعداد (تقریبا 1.1 لاکھ) میں سے 93 فی صد کیس چار ملکوں میں ریکارڈ کیے گئے۔ یہ ممالک چین، جنوبی کوریا، اطالیہ اور ایران ہیں۔ایک پریس کانفرنس کے دوران ٹیڈروس نے واضح کیا کہ کرونا وائرس بہت سے ممالک میں قدم جما چکا ہے جس کے بعد اس کے حقیقی طور پر ایک وبا میں تبدیل ہونے کا خطرہ جنم لے چکا ہے۔ تاہم اس پر کنٹرول پایا جا سکتا ہے اور بات کا خلاصہ یہ ہے کہ ہم کرونا وائرس کے رحم و کرم پر نہیں ہیں۔ ٹیڈروس نے مزید کہا کہ یہ خواہ وبا ہو یا نہ ہو ، کھیل کا اصول ہر گز تبدیل نہ ہو گا، اور وہ یہ کہ کبھی ہار نہ مانو۔
