کراچی (این این آئی)ایران سے واپس آنے والے بزرگ شخص سمیت 2 افراد کو کھارادر کے علاقے سے پولیس نے ڈی ایچ او کی نگرانی میں سول اسپتال منتقل کر دیا گیا جبکہ پوری فیملی کو چیک اپ کے لیے سول اسپتال لایا گیا۔ ڈپٹی ہیلتھ آفیسر سائوتھ نے پولیس کی بھاری نفری کے ہمراہ کھارادر جیلانی سینٹر والی گلی میں واقع شمع پلازہ سے 60 سالہ مختار حسین اور 25 سالہ اصغر علی کو کورونا وائرس کی علامات ظاہر ہونے پر چیک کے لیے

سول اسپتال منتقل کر دیا جبکہ اس دوران دونوں افراد کی پوری فیملی کا بھی سول اسپتال میں چیک اپ کیا گیا، ملنے والی اطلاعات کے مطابق ڈی ایچ او سائوتھ نے پہلے فیصل ایدھی سے رابطہ کرکے ایدھی ایمبولینس طلب کرنے کے بعد کورونا وائرس سے متاثرہ افراد کو بحفاظت اسپتال لایا گیا تاہم 60 سالہ مختار حسین اور 25 سالہ اصغر علی چند روز قبل ایران سے کراچی آئے تھے اور دونوں افراد کو سول اسپتال کے وارڈ میں رکھا گیا ہے۔‎