بنوں (آن لائن)بنوں ریجن میں پولیو کے بعد خسرہ کی وباء پھوٹ پڑی ، بنوں، شمالی وزیرستان اور کرک میں خسرہ بیماری سے سینکڑوں بچے متاثر ہو گئے وومن اینڈ چلڈرن ہسپتال بنوں میں روزانہ کی بنیاد پر درجنوں بچے علاج کیلئے لائے جاتے ہیں یہ بیماری بنوں کے علاوہ زیادہ تر شمالی وزیرستان کے بچوں کو لاحق ہے وومن اینڈ چلڈرن ہسپتال میں کرک، بنوں اور شمالی وزیرستان کے بچوں کو
لایا جاتا ہے اور طبی امداد کے بعد فارغ کیا جا تا ہے یکم فروری سے ہسپتال ریکارڈ کے مطابق 377 بچوں کو لایا جا چکا ہے اب بھی 23 بچے زیر علاج ہیں محکمہ صحت کے نمائندے کہتے ہیں کہ خسرہ بیماری کی وجہ حفاظتی ٹھیکہ جات کا نہ لگانا ہے اسی طرح خواتین حفاظتی تدابیر نہیں اپناتی ہسپتال کے وارڈز میں بچوں کو ادھر ادھر لے جانے سے بھی مزید بچے متاثر ہو رہے ہیں۔
