پنجاب کے سرکاری ہسپتالوں میں ماں اوربچے کی صحت کیلئے بنیادی سہولیات فراہم کررہے ہیں : ڈاکٹریاسمین راشد

  پیر‬‮ 30 ستمبر‬‮ 2019  |  14:05

لاہور(این این آئی) صوبائی وزیرصحت ڈاکٹریاسمین راشدنے مقامی ہوٹل میں یوایس ایڈکے میٹرنل اینڈچائلڈسروائیول پروگرام کے زیراہتمام تقریب میں بطورمہمان خصوصی شرکت کی۔اس موقع پرڈاکٹرافشاں امین، یوایس ایڈکے نمائندگان اورمختلف محکمہ جات کے افسران نے شرکت کی۔ وزیرصحت پنجاب ڈاکٹریاسمین راشدنے تقریب کے حاضرین سے خطاب کرتے ہوئے کہاکہپاکستان میں خاندانی منصوبہ بندی انتہائی اہم ہوچکی ہے۔ پاکستان میں آبادی پرقابوپاکرعوام کو بنیادی سہولیات فراہم کی جاسکتی ہیں۔ ماں کی صحت بچے کی صحت کیلئے بہت اہم ہوتی ہے۔ سومیں سے پندرہ مائیں دوران زچگی پیچیدگیوں میں مبتلاہوتی ہیں۔ صوبائی وزیر صحت نے مزیدکہاکہ بدین اورنوشکی جیسے علاقہ جات میں


میٹرنل اینڈچائلڈسروائیول پروگرام کااجراء انتہائی خوش آئندہے۔ صدرپاکستان ڈاکٹرعارف علوی کے ساتھ مل کوانتہائی اہم صحت پروگرام شروع کرنے جارہے ہیں۔ ہرسال پاکستان میں بارہ سے تیرہ ہزارجوان مائیں دوران زچگی پیچیدگیوں کی وجہ سے انتقال کرجاتی ہیں۔ ماں کے بغیربچے کی پرورش ناممکن ہوجاتی ہے۔سب سے اہم ماں اوربچہ کی صحت ہونی چاہئیے۔ حکومت پنجاب کے مختلف اضلاع میں پانچ مدراینڈچائلڈہسپتال بنارہی ہے۔پاکستان میں دوران زچگی ماں اوربچے کی اموات کوروکناہوگا۔ انہوں نے کہاکہ وزیراعظم پاکستان عمران خان کے ویژن کے مطابق پنجاب کے سرکاری ہسپتالوں میں ماں اوربچہ کی صحت کویقینی بنانے کیلئے بنیادی سہولیات فراہم کررہے ہیں۔لاہورکے گنگارام ہسپتال میں چارسوبستروں پرمشتمل اسٹیٹ آف دی آرٹ مدراینڈچائلڈکئیرہسپتال تعمیر کیا جا رہاہے۔ماں اوربچہ کی شرح اموات میں واضح کمی لانااولین ترجیح ہے۔وزیرصحت ڈاکٹریاسمین راشدنے یوایس ایڈکے نمائندگان کی تقریب کے انعقاد کرنے پران کومبارکباددی۔


موضوعات:

زیرو پوائنٹ

آخری موو

سینیٹ کا الیکشن کل اور پلاسی کی جنگ 23 جون 1757ءکو ہوئی اور دونوںنے تاریخ پر اپناگہرا نقش چھوڑا‘ بنگال ہندوستان کی سب سے بڑی اور امیر ریاست تھی‘پورا جنوبی ہندوستان نواب آف بنگال کی کمان میں تھا‘ سراج الدولہ بنگال کا حکمران تھا‘ دوسری طرف لارڈ رابرٹ کلائیو کمپنی سرکار کی فوج کا کمانڈر تھا‘ انگریز کے ....مزید پڑھئے‎

سینیٹ کا الیکشن کل اور پلاسی کی جنگ 23 جون 1757ءکو ہوئی اور دونوںنے تاریخ پر اپناگہرا نقش چھوڑا‘ بنگال ہندوستان کی سب سے بڑی اور امیر ریاست تھی‘پورا جنوبی ہندوستان نواب آف بنگال کی کمان میں تھا‘ سراج الدولہ بنگال کا حکمران تھا‘ دوسری طرف لارڈ رابرٹ کلائیو کمپنی سرکار کی فوج کا کمانڈر تھا‘ انگریز کے ....مزید پڑھئے‎