لاہور(آن لائن)راولپنڈی سمیت پنجاب کے دیگر شہروں میں ڈینگی مریضوں کی تعداد میں غیر معمولی اضافے کے بعد 175تک پہنچ گئی ،جس پر ڈائریکٹر جنرل ہیلتھ پنجاب نے لاہور سے ماہر ڈاکٹرز کو فوری طور پر راولپنڈی پہنچنے کی ہدایت کر دی گئی ہے ۔محکمہ صحت کے مطابق پنجاب میں ڈینگی کے مزید 35کیسز سامنے آنے کے بعد مریضوں کی تعداد میں175تک پہنچ گئی ہے ‘راولپنڈی سے 27،اسلام آباد سے 6،چکوال اور گوجرانوالہ سے ایک ایک کیس رپورٹس ہوا،اسلام آباد میں 106مریض
ڈینگی سے متاثر ہوئے۔محکمہ صحت کے مطابق مذکورہ رپورٹس شدہ مریضوں میں سے 21مریضوں کا تعلق دوسرے صوبوں سے ہے ۔دوسری جانب ڈائریکٹر جنرل ہیلتھ پنجاب کی جانب سے ماہر ڈاکٹرز پر مشتمل 4رکنی ٹیم کو فوری طور پر راولپنڈی پہنچنے کی ہدایت کر دی گئیں ہیں ۔ ڈی جی ہیلتھ کے مطابق چاروں ڈاکٹرز فوری طور پر صورتحال کو کنٹرول کریں ،ڈینگی کنٹرول کرنے کیلئے تمام ممکن وسائل بروئے کار لائے جائیں ،نئے آرڈر جاری ہونے تک چاروں ڈاکٹرز راولپنڈی میں رہیں ۔
