لاہور(این این آئی) وزیرصحت پنجاب ڈاکٹریاسمین راشد اچانک بے نظیربھٹوہسپتال راوالپنڈی پہنچ گئیں۔وزیر صحت پنجاب نے ایمرجنسی، آوٹ ڈور، آپریشن تھیٹرودیگروارڈزمیں جاکرصفائی ستھرائی کے انتظامات اورمریضوں کوفراہم کی جانے والی طبی سہولیات کاجائزہ لیا۔ڈاکٹریاسمین راشدنے مختلف وارڈزمیں جاکرمریضوں کی عیادت کی اوران کومہیاکی جانے والی طبی سہولیات بارے دریافت کیا۔ وزیرصحت پنجاب نے کہاکہ عیدالفطرکے موقع پرسرکاری ہسپتالوں میں ڈاکٹرزودیگرسٹاف نے بہترین فرائض سرانجام دیئے ہیں او رہم
عیدالفطرکے موقع پرسرکاری ہسپتالوں میں بہترین فرائض سرانجام دینے والے ڈاکٹرزودیگرسٹاف کوخراج تحسین پیش کرتے ہیں۔ ڈاکٹر یاسمین راشد نے کہاکہ نئے پاکستان میں سرکاری ہسپتالوں میں بتدریج حالات بہتری کی جانب جارہے ہیں اورڈاکٹرزاپنے فرائض کوپیغمبرانہ پیشہ سمجھ کرہرآنے والے مریض کوبہترین طبی سہولیات فراہم کریں۔وزیر صحت پنجاب ڈاکٹریاسمین راشد نے کہاکہ سرکاری ہسپتال میں آنے والاہرپاکستانی بہترین علاج ومعالجہ کاحق دارہے اور ہم وزیر اعظم عمران خان کے ویژن کے مطابق پنجاب کے سرکاری ہسپتالوں کوبہترین علاج گاہیں بنانے کی پوری کوشش کررہے ہیں۔
