لاہور(این این آئی) صوبائی وزیرصحت پنجاب ڈاکٹریاسمین راشد نے صحت کے عالمی دن کے موقع پر کہا کہ صحت مندماحول اورمعاشرہ صحت مندزندگی کی بنیادرکھتاہے ۔ صحت اورتندرستی اللہ پاک کی اولین نعمتوں میں سے ایک ہے۔ صحت کا عالمی دن منانے کا بنیادی مقصدصحت مندمعاشرہ اور
ماحول کی اہمیت کواجاگرکرناہے۔ پنجاب کے سرکاری ہسپتالوں میں بہترین طبی سہولیات کی فراہمی کو یقینی بناناتحریک انصاف کی اولین ترجیح ہے ۔پرائم منسٹرصحت اقدامات سے شعبہ صحت میں نئی اصلاحات کے ذریعے پنجاب کی عوام کوریلیف دینگے۔ہیلتھ کیئرسسٹم کودورحاضرکے تقاضوں کے مطابق ہموارکرکے لوگوں کیلئے صحت کی بہترین اوریکساں سہولیات فراہم کررہے ہیں۔ ہسپتالوں میں صفائی ستھرائی اورادویات کی فراہمی پرکسی قسم کاسمجھوتہ نہیں کیاجارہا۔ تحریک انصاف کی حکومت شعبہ صحت میں اصلاحات کے لئے جدید ٹیکنالوجی سے استفادہ کر رہی ہے اور ہیلتھ کیئر سسٹم کے روایتی نظام میں تبدیلی لا کر مریضوں کو جدید علاج معالجہ مہیا کریں گے۔ہیلتھ کیئر سسٹم میں اصلاحاتی پروگرام کے دورس نتائج حاصل ہوں گے۔تحریک انصاف کی حکومت نے پنجاب کی عوام کیلئے صحت انصاف کارڈ کی صورت میں بہترین تحفہ دیاہے۔صحت انصاف کارڈ غربت کی لکیرسے نیچے گرجانے والے خاندانوں کے زخموں پرمرہم رکھنے کے مترادف ہے۔صحت انصاف کارڈ کے ذریعے ہر خاندان 7 لاکھ 20 ہزار روپے تک طبی سہولتوں کی فراہمی پر خرچ کر سکتا ہے۔
