دبئی(این این آئی)حکومت دبئی کے ابلاغی ادارے نے اطلاع دی ہے کہ دبئی میں چار کروڑدرہم کی لاگت سے اونٹوں کا اسپتال قائم کردیا گیا۔ یہ پوری دنیا میں اپنی نوعیت کا پہلا ہے۔میڈیارپورٹس کے مطابق حکومت دبئی نے ٹویٹر پر اپنے اکائونٹ میں تحریر کیا کہ اس اسپتال میں برطانیہ، اسپین ، ہندوستان اور میکسیکو سے اونٹوں کے ماہر ڈاکٹر کام کررہے ہیں۔ یہاں 20اونٹوں کا بیک وقت علاج کیا جاسکتا ہے۔ یہاں علاج کے بعد اونٹوں کو نقاہت

دور کرنے کیلئے ایک میدان بھی مخصوص کیا گیا ہے۔ اسپتال اونٹوں کے امراض اور ان کے جسمانی اسرار دریافت کرنے کے لئے ریسرچ یونٹ بھی قائم کریگا۔اسپتال میں اونٹوں کا آپریشن اور ایکسرے روم کا بھی بندوبست کیا گیا ہے۔ مستقبل میں دیگر خدمات فرام کرنے کی منصوبہ بندی بھی کی جارہی ہے۔ مقناطیسی ایکسرے کا بھی انتظام کیا جائیگا۔ علاوہ ازیں اونٹ کے جسم کے کسی بھی ایک حصے کے ایکسرے لینے والی مشین بھی مہیا ہوگی۔

موضوعات:دبئی