اسلام آباد(مانیٹرنگ ڈیسک) سفید بال ہونا آج کل عام سی بات ہے اور مردوخواتین دونوں ہی اس بات سے پریشان نظر آتے ہیں کیونکہ سفید بال بڑھاپے کی نشانی سمجھی جاتی ہے ۔ماہرین صحت کا کہنا ہے کہ قبل از وقت بال سفید امراض قلب کا عندیہ دیتے ہیں۔ یونیورسٹی آف قاہرہ کے ماہرین کی جانب سے کی گئی تحقیق میں 545 مردوں میں سفید بالوں اور دل کی بیماری کے

خطرے کے درمیان تعلق کا مطالعہ کیا گیا۔جس کے بعد معلوم ہوا کہ بالوں کی جتنی سفید رنگت زیادہ تھی اتنا ہی دل کی بیماری کا خطرہ زیادہ دیکھا گیا۔ ماہرین نے مردوں کو وارننگ جاری کر تے ہوئے کہا ہے۔کہ بالوں میں سفیدی جھلکنے لگے تو اپنے معالج سے اپنا مکمل چیک اپ کروانے کے ساتھ ساتھ سادہ غذا اور پیدل چلنے کو معمولات زندگی میں ضرور شامل کریں۔