لاہور(ا ین این آئی)لاہور جنرل ہسپتال کے امراض معدہ و جگر کے ڈاکٹرز نے 22مارچ بروز جمعتہ المبارک ہیپاٹائٹس کے مریضوں کی مفت تشخیص کرنے کیلئے فری میڈیکل کیمپ لگانے کا اعلان کیا ہے جہاں عوام الناس صبح8سے لے کر دوپہر2بجے تک اس کیمپ سے مستفید ہو سکیں گے ۔ پروفیسر ڈاکٹر غیاث النبی طیب کی سربراہی میں ڈاکٹر اسرار الحق طور سمیت ماہر ڈاکٹروں کی ٹیم مریضوں کا طبی معائنہ کرے گی جبکہ اُن کے جگر و معدے کا خصوصی طور پر چیک اپ ہوگا اور ہیپاٹائٹس کے

بلا معاوضہ ٹیسٹ کیے جائیں گے۔اس حوالے سے ڈاکٹر شیراز انجم نے بتایا کہ جو افراد ہیپاٹائٹس کے مرض میں مبتلا ہیں یا انہیں کسی قسم کی شکائیت ہے انہیں اس فری میڈیکل کیمپ سے رابطہ کرنا چاہیے تاکہ اس مرض کی بروقت تشخیص کر کے اُس کا علاج معالجہ ممکن بنایا جا سکے ۔ ایل جی ایچ کے ڈاکٹر ز اکثر اوقات مختلف جگہوں پر ایسے کیمپ لگاتے رہتے ہیں ۔انہوں نے مزید بتایا کہ اس فری میڈیکل کیمپ میں ٹیسٹ 22مارچ بروز جمعہ جامعہ مسجد ابراہیم گجومتہ صبح 8سے2بجے تک ہوں گے ۔

موضوعات:ہیپاٹائٹس