خیبر ایجنسی۔۔۔۔ دہشت گردوں کے خلاف پاک فوج کا آپریشن خیبر ون کامیابی کے ساتھ جاری ہے۔ تازہ فضائی کارروائی کے نتیجے میں اہم کمانڈر سمیت انیس دہشت گرد مارے گئے جبکہ پانچ ٹھکانے بھی تباہ ہوئے۔ عسکری ذرائع کا کہنا ہے شدت پسندوں کے خاتمے تک آپریشن جاری رہے گا۔ خیبر ایجنسی میں سیکورٹی فورسز کا آپریشن خیبر ون پوری تندہی سے جاری ہے ، آئی ایس پی آر کے مطابق سندا پال کے علاقے میں سیکورٹی فورسز کی تازہ فضائی کارروائی کے دوران اہم کمانڈروں سمیت انیس دہشت گرد مارے گئے جبکہ شر پسندوں کے 5 ٹھکانے بھی تباہ ہوئے۔ سکیورٹی فورسز علاقے میں شر پسندوں کا صفایا کر رہی ہیں ، کشیدگی کے باعث سیکڑوں خاندان محفوظ مقامات کی طرف نقل مکانی کر چکے ہیں۔ عسکری ذرائع کا کہنا ہے شدت پسندوں کے خاتمے تک آپریشن جاری رہے گا۔