اسلام آباد۔۔۔۔وزیر اطلاعات پرویز رشید نے کہا ہے کہ عمران خان کی دھمکیاں پہلے بھی دیکھی تھیں اورتیس نومبر کے بعد بھی دیکھ لیں گے اور جہاں تک عمران خان کے شکوے کاتعلق ہے تو وہ یقین دلاتے ہیں جب بھی چین میں ثقافتی شو کرنا ہوگا پرویز خٹک کو ضرور بھیجا جائے گا۔ عمران خان نے کوئلے سے بجلی پیدا کرنے کے فیصلے کو رد کردیا لیکن حکومتی ترجمان پرویز رشید نے عمران خان کو جواب دیتے ہوئے کہا ہیکہ کوئلے کیذریعے ہی جلدی اور سستی بجلی تیار ہوسکتی ہے۔ عمران خان نے گلہ کیا ہے کہ وزیراعظم دورہ چین میں شہباز شریف کو تو لے گئے لیکن پرویز خٹک کو نہیں لے کر گئے ، اس پر جواب دیتے ہوئے پرویز رشید نے کہاکہ اس دورے میں تو معاشی فیصلے ہونے تھے، اس لیے شہباز شریف کو لے کر گئے ، لیکن جب بھی ثقافتی دورہ ہوگا پرویز خٹک کو ضرور چین بھیجا جائے گا۔ عمران خان کے اس الزام پر کہ تیس نومبر کے بعد حکومت کے ساتھ وہ ہوگا کہ اس کا چلنا مشکل ہوجائے گا ، پرویز رشید نے جواب دیا کہ ایسی دھمکیاں انہوں نے چودہ اگست کو بھی سنی تھیں ، عمران خان اپنے ثبوت عدالت میں نہیں لے جاسکتے تو میڈیا کو ہی دکھادیں۔

موضوعات:bluff Imran Khan Islamabad javed chaudary Javed choudary kaltak Karachi Lahore Nawaz shareef Pakistan Pervaiz rasheed PMLN threat زیرو پوائنٹ