حکومت کی عمران خان کو ڈرانے کی آخری کوشش ناکام ہو گی یا کامیاب
اسلام آباد: اسپیکر قومی اسمبلی سردار ایاز صادق نے تحریک انصاف کو استعفوں کی تصدیق کے لیے حتمی نوٹس جاری کردیا ہے۔ ایکسپریس نیوز کے مطابق
اسپیکر قومی اسمبلی ایاز صادق کی جانب سے تحریک انصاف کے مستعفی ہونے والے ارکان کو استعفوں کی تصدیق کے لیے حتمی نوٹس جاری کیا گیا ہے جس میں کہا گیا ہے کہ استعفوں کی تصدیق کے لیے دیا گیا مناسب وقت ختم ہوگیا ہے اس لیے تصدیق کے لیے پیش نہ ہونے والے ارکان کے استعفے منظور کرلیے جائیں گے۔ واضح رہے کہ تحریک انصاف کے ارکان کے استعفے گزشتہ ایک ماہ سے اسپیکر قومی اسمبلی کے پاس جمع ہیں تاہم حکومت اور تحریک انصاف کے درمیان مذاکرات کیباعث انہیں منظور نہیں کیا گیا تھا جبکہ قومی اسمبلی میں پارلیمانی جماعتوں کے رہنماؤں نے بھی وزیراعظم نوازشریف کو تجویز دی تھی کہ تحریک انصاف کے اراکین کے استعفے منظورنہ کئے جائیں جس کے بعد وزیراعظم نے اسپیکر قومی اسمبلی سے درخواست کی تھی استعفوں کی منظوری کا عمل مؤخر کردیا جائے۔
