باجوڑ ایجنسی: سلار زئی کے علاقے میں سڑک کے کنارے نصب بارودی مواد پھٹنے سے ایف سی کے 2 اہلکار شہید جبکہ 2 زخمی ہوگئے۔ سکیورٹی ذرائع کے مطابق باجوڑ ایجنسی کی تحصیل سلارزئی میں واٹر ٹینکر ایف سی اہلکاروں کے لئے پانی لے کر جارہا تھا کہ ملا سید کے قریب ٹینکر سڑک کے کنارے نصب بارودی مواد سے ٹکرا گیا۔ دھماکے کے نتیجے میں ٹینکر مکمل طور پر تباہ جبکہ اس میں سوار 2 ایف سی اہلکار شہید اور 2 زخمی ہوگئے۔ لاشوں اور زخمی اہلکاروں کو قریبی اسپتال منتقل کردیا گیا ہے جہاں سے شہدا کے جسد خاکی پورے فوجی اعزاز کے ساتھ ان کے آبائی علاقوں میں بھجوا دےئے گئے جبکہ زخمیوں کو طبی امداد فراہم کی جارہی ہے۔