اسلام آباد: اسلام آباد ہائیکورٹ نے بجلی تقسیم کا کمپنیوں کو اضافی بجلی بل وصول کرنے سے روک دی اہے اور 11کمپنیوں کو نوٹس بھی جاری کر دیئے ہیں۔ یہ حکم جسٹس اختر من اللہ نے اضافی بلوں کی وصولی کے خلاف دائر درخواست کی سماعت کے دوران دیا۔ بجلی بلوں میں اضافے کے خلاف تحریک انصاف نے درخواست دائر کی تھی۔ تحریک انصاف کے وکیل نے دلائل دیتے ہوے کہا کہ یہ اضافہ غیر قانونی ہے جو کہ نیپرا ایکٹ کی کھلی خلاف ورزی ہے۔ تقسیم کار کمپنیوں نے یہ اضافہ نیپرا کی اجازت کے بغیر کیا۔ اس موقع پر عدالت نے ریمارکس دیتے ہوئے کہا کہ بتایا جائے کہ بجلی بلوں میں کتنی اضافی وصولیاں کی گئیں۔ عدالت نے یہ بھی حکم دی اکہ تقسیم کار کمپنیاں قانون کے مطابق چارج کریں کیونکہ یہ بنیادی حقوق کا مسئلہ ہے۔ عدالت نے 11بجلی تقسیم کار کمپنیوں کو نوٹس جاری کرتے ہوئے سیکرٹری پانی و بجلی اور چیئرمین واپڈا سے 2ہفتوں میں رپورٹ طلب کر لی ہے۔