حکومت نئی مشکلات کا شکار‘ عمران خان نے نیا پول کھول دیا ۔
اسلام آباد میں ڈی چوک پر دھرنے کے شرکا سے خطاب کرتے ہوئے عمران خان نے کہا کہ الیکشن میں لوگوں کا ضمیر خریدا جاتا ہے، شفاف الیکشن تک کرپٹ مافیا سے جان نہیں چھوٹ سکتی، ڈیڑھ کروڑ ووٹ آج تک کسی جماعت کو نہیں ملے اور سب جانتے ہیں الیکشن میں دھاندلی ہوئی ہے لیکن کوئی تحقیقات نہیں ہوئیں جبکہ دھاندلی کے الزام پر نوازشریف کو مستعفی ہوجانا چاہئے۔ انہوں نے کہا کہ اسٹیٹس کو کا شکار لوگ ملک میں تبدیلی نہیں چاہتے لیکن نوازشریف بھول جائیں یہ دھرنا استعفے کے بغیر ختم نہیں ہوگا۔ عمران خان کا کہنا تھا کہ میرے گھر کی بجلی کا کنکشن 7 دن کے نوٹس پر کاٹا گیا، پارلیمنٹ ہاؤس کے ذمہ سوا کروڑ اور وزیراعظم ہاؤس، ایوان صدر پر لاکھوں روپے کے بل واجب الادا ہیں لیکن یہاں کی بجلی نہیں کاٹی گئی جبکہ اربوں روپے بااثراد افراد کے ذمہ ہیں مگر ان کے بھی بجلی کو کوئی نہیں کاٹ سکتا۔ ان کا کہنا تھا کہ بجلی چوری طاقتور لوگ کرتے ہیں اور بوجھ غریب پر پڑتا ہے، نوازشریف بتائیں رائے ونڈ کا بل کتنا آتا ہے، حکومت کا سارا کام مک مکا پر چل رہا ہے اس لیے اربوں کی کرپشن کے ملزم خورشید شاہ نوازشریف کو کس طرح پکڑیں گے۔