کراچی (این این آئی)پاکستانی اداکار دودی خان نے بھارتی اداکارہ و رقاصہ راکھی ساونت کے لیے ہیرے کی انگوٹھی خرید لی۔دودی خان نے اپنے انسٹاگرام اکانٹ پر نئی ویڈیو اپ لوڈ کی ہے۔دودی خان نے ویڈیو میں بتایا ہے کہ میں نے راکھی ساونت کے لیے 18 لاکھ روپے کی اصلی ہیرے کی انگوٹھی خریدی ہے۔

دودی خان نے کہا کہ میں آج کل سوشل میڈیا پر بہت سی ویڈیوز دیکھ رہا ہوں، بہت سے افراد راکھی ساونت کو مہنگے تحائف دینے کا وعدہ کر رہے ہیں، وہ لوگ محض باتیں بنا رہے ہیں۔راکھی ساونت نے دودی خان کی اس ویڈیو کو ری شیئر بھی کیا ہے۔ویڈیو کے کمنٹ باکس میں ردِ عمل دیتے ہوئے اداکارہ نے سرخ دل کے ایموجیز کا استعمال کیا ہے جبکہ دودی خان نے لکھا ہے کہ میری جان، ہم باتیں نہیں کرتے۔