کراچی (این این آئی) پاکستان شوبز انڈسٹری کی میزبان و اداکارہ نادیہ خان نے اپنے یوٹیوب چینل پر ولیمے کی ویڈیو جاری کر دی ہے۔ولیمے میں اداکارہ نے گلابی رنگ کا عروسی لباس زیب تن کیا، جس میں انتہائی دلکش دکھائی دیں۔نادیہ خان نے ویڈیو جاری کرنے سے قبل اپنے انسٹاگرام اکاؤنٹ پرایک تصویر شیئر کی تھی کیپشن میں لکھا تھا جلد ولیمے کی ویڈیو اپنے یوٹیوب چینل پر اپ لوڈ کروں گی۔
نادیہ خان کے ولیمے کی ویڈیو میں تصاویر کا سلائڈ شو بھی دیکھا جا سکتا ہے جس میں ان کی شوہر اور دیگر مہمانوں کے ہمراہ تصاویر ہیں۔خیال رہے کہ نادیہ خان نے اپنی شادی کے بعد سوشل میڈیا پر شادی اور بچوں سے متعلق وضاحت اور شوہر کا تفصیلی تعارف بھی کرایا تھا۔ قبل ازیں ہنس مکھ اور شوخ شخصیت کے طور پر مارننگ شو میزبان اور اداکارہ کی حیثیت سے اپنی پہچان بنانے والی نادیہ خان نے دوسری شادی کر لی، ان کی شادی کے حوالے سے خبریں تو کئی ہفتوں سے سامنے آ رہی تھیں لیکن اداکارہ نادیہ خان نے اس حوالے سے خاموشی اختیار کی ہوئی تھی لیکن اب انہوں نے خاموشی توڑتے ہوئے اپنی دوسری شادی کی سوشل میڈیا پر تصدیق کی ہے اور اپنی شادی کی تصاویر شیئر کی ہیں، ان کا کہنا ہے کہ اپنے چاہنے والوں کے لئے مزید تصاویر بھی شیئر کروں گی۔ معروف اداکارہ نادیہ خان نے اپنے انسٹاگرام پر ایک تصویر شیئر کی اور بتایا کہ وہ رشتہ ازدواج میں منسلک ہوگئیں ہیں۔نادیہ خان کی جانب سے شیئر کردہ تصویر میں دیکھا جاسکتا ہے کہ وہ سبز رنگ کا لباس پہنے ہوئے ہیں، ان کے ہاتھوں میں مہندی لگی ہوئی ہے اور انہوں نے گجرے بھی پہن رکھے ہیں۔انہوں نے انسٹاگرام پر اپنی پوسٹ میں لکھا کہ وہ چند گھنٹوں میں مداحوں اور فالوورز کے ساتھ اپنی شادی کی تصاویر شیئر کرنے جا رہی ہیں لیکن کچھ ہی دیر بعد سوشل میڈیا پر اداکارہ نادیہ خان کے شادی کی تصویر وائرل ہوگئی،اس تصویر میں دیکھا جا سکتا ہے کہ وہ اپنے شوہر کے ساتھ بیٹھی ہیں
