اتراکھنڈ(شوبزڈیسک)ماضی میں منشیات کے استعمال کے باعث مختلف نقصانات اٹھانے والے معروف بولی وڈ اداکار سنجے دت اب نوجوانوں کو اس بری لت سے بچانے کے لیے عملی کردار ادا کرنا چاہتے ہیں۔اس مقصد کے لیے سنجے دت نے بھارت کی6 شمالی ریاستوں کی جانب سے شروع کی جانے والی انسداد منشیات مہم چلانے کی پیشکش کردی۔بھارتی میڈیا انڈین ایکسپریس کی رپورٹ کے مطابق اتر اکھنڈ کے وزیر اعلیٰ ترویندر سنگھ روات کا کہنا ہے کہ نامور اداکار نے مہم کے برانڈ ایمبیسیڈر بننے کی پیشکش کی۔ان کا کہنا تھاسنجے دت شوٹنگ میں مصروف تھے جب میرا ان سے ٹیلی فون
پر رابطہ ہوا۔ان کے مطابق سنجے دت کا کہنا تھا کہ انہوں نے اپنے کیریئر کے آغاز میں منشیات کی وجہ سے بہت نقصان اٹھایا ہے اور اب وہ اس مہم کا حصہ بن کر اس کی روک تھام میں مدد فراہم کرنا چاہتے ہیں۔واضح رہے کہ اتر کھنڈ کی 6 شمالی ریاستوں جن میں اتر کھنڈ، ہماچل پردیشل، پنجاب، ہریانہ، دہلی راجستھان اور چندی گڑھ نے مل کر منشیات کی روک تھام کے لیے مہم چلانے کا اعلان کر رکھا ہے۔