ممبئی (این این آئی)بالی ووڈ کے کنگ شاہ رخ خان اپنے فلمی کرئیر میں اب تک کئی اعزاز حاصل کر چکے ہیں جن کے مداح نہ صرف بھارت بلکہ پاکستان سمیت پوری دنیا میں پھیلے ہوئے ہیں اور جناب اگر بات کی جائے آن لائن سماجی رابطوں کی تو وہاں بھی بالی ووڈ اسٹارز اور خصوصاََتمام خانز میں کنگ خان کا سکہ چلتا نظر آتا ہے۔بالی ووڈ کے نامور اداکار شاہ رخ خان نے ٹوئٹر پرسب کو پیچھے چھوڑ دیا ہے۔

بھارتی میڈیا رپورٹس کے مطابق کنگ خان کے ٹوئیٹر پر مداحوں کی تعداد35ملین تک پہنچ گئی ہے اور اس موقع پر کنگ خان نے اپنے مداحوں کے نام ویڈیو پیغام دیا جس میں مداحوں کابیحد شکریہ ادا کیا ۔بالی ووڈ ستاروں میں امیتابھ بچن کی سوشل میڈیا پر مقبولیت 34.2ملین جبکہ سلمان خان کے مداحوں کی تعداد33ملین اور عامر خان کے فالوور کی تعداد 23.2ملین ، اکشے کمار کی 26.5ملین اوردپیکا پڈوکون کے مداحوں کی تعداد 23.9ملین ہے۔

موضوعات:شاہ رخ خان