کراچی (این این آئی) اسٹیٹ بینک آف پاکستان نے 10 روپے کے بینک نوٹ کی بندش اور اسے تبدیل کرانے کی آخری تاریخ سے متعلق
سوشل میڈیا پر گردش کرنے والی خبروں کو بے بنیاد قرار دیتے ہوئے واضح کیا ہے کہ کسی مالیت کے کرنسی نوٹ کو بند کرنے کا فیصلہ نہیں کیا گیا۔اسٹیٹ بینک کے ترجمان کے مطابق مرکزی بینک نے نئے بینک نوٹوں کی سیریز متعارف کرانے کی تجویز دی ہے جو اس وقت وفاقی کابینہ کے زیر غور ہے، تاہم اس حوالے سے حتمی فیصلہ نہیں ہوا۔ترجمان نے کہا کہ کسی بھی مالیت کے موجودہ نوٹ کو تبدیل کرنے یا بند کرنے کا فیصلہ ہونے کی صورت میں عوام کو سرکاری ذرائع سے باضابطہ طور پر آگاہ کیا جائے گا۔
اگر کسی بینک نوٹ کو بند کیا گیا تو اسے تبدیل کرانے کے لیے عوام کو مناسب وقت بھی دیا جائے گا۔اسٹیٹ بینک نے عوام سے کہا ہے کہ کرنسی نوٹوں سے متعلق معلومات کے لیے صرف مرکزی بینک کے سرکاری ذرائع سے جاری ہونے والی اطلاعات پر اعتماد کیا جائے۔
