اسلام آباد (نیوز ڈیسک) ملک بھر کی صرافہ مارکیٹوں میں سونے کی قیمت میں نمایاں تیزی دیکھی گئی، جس کے بعد فی تولہ سونا 4 لاکھ 57 ہزار روپے کی حد عبور کرگیا۔

عالمی سطح پر سونے کی قیمت میں اضافے کے اثرات پاکستانی مارکیٹ پر بھی پڑے۔ بین الاقوامی بلین مارکیٹ میں سونے کی فی اونس قیمت 79 ڈالر بڑھ کر 4347 ڈالر ہوگئی۔عالمی مارکیٹ میں ہونے والے اضافے کے نتیجے میں مقامی صرافہ بازاروں میں بھی سونے کی قیمت میں 7900 روپے فی تولہ کا اضافہ ریکارڈ کیا گیا، جس کے بعد نئی قیمت 4 لاکھ 57 ہزار 236 روپے ہوگئی۔اسی طرح 10 گرام سونے کی قیمت بھی 6773 روپے اضافے کے بعد 3 لاکھ 92 ہزار 6 روپے مقرر ہوگئی۔چاندی کی قیمت میں بھی تیزی کا رجحان برقرار رہا۔ فی تولہ چاندی 140 روپے مہنگی ہونے کے بعد 6942 روپے میں فروخت ہونے لگی۔

دوسری جانب گزشتہ روز عالمی مارکیٹ میں سونے کی قیمت میں 40 ڈالر فی اونس کمی ریکارڈ ہوئی تھی، جس کے بعد نرخ 4268 ڈالر فی اونس تک گر گئے تھے۔مقامی مارکیٹ میں بھی گزشتہ روز سونے کی قیمت کم ہوئی تھی۔ فی تولہ سونا 4000 روپے سستا ہوکر 4 لاکھ 49 ہزار 336 روپے جبکہ 10 گرام سونے کی قیمت 3429 روپے کمی کے بعد 3 لاکھ 85 ہزار 233 روپے ہوگئی تھی۔یوں ایک روز کی کمی کے بعد عالمی اور مقامی مارکیٹ میں سونے کی قیمت میں دوبارہ نمایاں اضافہ دیکھنے میں آیا ہے۔