کراچی (این این آئی)سوئی سدرن گیس کمپنی نے رمضان المبارک کے دوران گیس کی لوڈ شیڈنگ کے اوقات کار جاری کردیئے۔ترجمان سوئی سدرن گیس کمپنی کے مطابق صارفین کو افطار اور سحری کے اوقات میں بلا تعطل گیس فراہم کی جائے گی۔

انہوں نے کہا کہ دن میں 3:30بجے سہ پہر سے رات 10 بجے تک گیس کی فراہمی جاری رہے گی، اسی طرح رات 3بجے سے صبح 9بجے تک گیس کی فراہمی جاری رہے گی۔ترجمان نے بتایا کہ سوئی سدرن گیس کمپنی کے صارفین کو صبح 9بجے سے سہ پہر ساڑھے 3بجے تک گیس کی سپلائی بند رہے گی اور رات 10بجے سے رات 3بجے تک بھی گیس کی فراہمی معطل رہے گی۔