لاہور ( این این آئی) لاہور ٹریفک پولیس نے 91مرتبہ چالان والی گاڑی کو سیف سٹی کیمروں کی مدد سے پکڑ لیا۔ ترجمان ٹریفک پولیس کے مطابق پولیس نے 91ای چالان والی گاڑی کو ڈیفنس فیز 4سے پکڑا اور اس پر 40ہزار 500 روپے جرمانہ عائد کیا گیا۔

ترجمان نے بتایا کہ گاڑی نے77مرتبہ ٹریفک سگنل توڑا اور 14دفعہ لین کی خلاف ورزی کی جس کی وجہ سے کار سوار پر جرمانہ عائد کیا گیا ہے۔ چیف ٹریفک آفیسر عمارہ اطہر کا کہنا ہے کہ شہر بھرمیں سیف سٹی کیمروں کی مدد سے چالان کا سلسلہ جاری ہے، ٹریفک قوانین پرعملدرآمد کروانے کے لئے 12 ای چلاننگ ٹیمیں تعینات ہیں۔