اسلام آباد (این این آئی)بجلی صارفین پر 81ارب 50کروڑ روپے کا مزید بوجھ ڈالنے کی تیاریاں شروع کردی گئیں۔تفصیلات کے مطابق بجلی تقسیم کار کمپنیوں نے بجلی کی قیمت میں اضافے کی درخواست نیپرامیں جمع کرا دی ہے ۔اضافے کی درخواست اکتوبرتادسمبر2023کی سہ ماہی ایڈجسٹمنٹ کی مد میں دائر کی گئی ہے۔
کیپسٹی چارجز کی مد میں75ارب14کروڑ روپے وصولی کی جبکہ نقصانات کی مد میں10ارب 82کروڑ روپے وصول کرنے کی درخواست دائر کی گئی۔نیپرا اتھارٹی سہ ماہی ایڈجسٹمنٹ کی درخواست پر (آج) بدھ کو سماعت کریگی جبکہ حکومتی گائیڈ لائنزکے مطابق سہ ماہی ایڈجسٹمنٹ کااطلاق کے الیکٹرک صارفین پربھی ہوگا۔نیپرا اتھارٹی سماعت کے بعد سہ ماہی ایڈجسٹمنٹ کے حوالے سے حتمی فیصلہ کرے گی۔
