لاہور( این این آئی)ملک میں یوم کشمیر، عام انتخابات اور ہفتہ وار تعطیلات کے باعث آئندہ 10روز میں صرف 3دن بینک کھلیں رہیں گے۔تفصیلات کے مطابق ملک بھر میں تمام بینک 3فروری سے 5فروری تک بند رہیں گے،3اور 4فروری کو ہفتہ وار اور 5فروری کو یوم کشمیر کی عام تعطیل ہوگی۔

دوسری جانب 6اور7فروری منگل اور بدھ کو بینک کھلیں گے تاہم 8فروری کو الیکشن ڈے پر پھر بینک بند ہوں گے،9فروری جمعہ کو کھلیں گے۔ 10اور 11فروری کو پھر ہفتہ اتوار کو بینکس بند رہیں گے۔ آج جمعہ کے روز بعد آئندہ 10روز میں صرف 3دن بینک کھلیں گے اور7دن بند رہیں گے۔