اسلام آباد (این این آئی)شہریوں کو تازہ ترین، درست معلومات کی فراہمی کیلئے نادرا واٹس ایپ چینل کا آغاز کر دیا گیا ۔ ترجمان نے کہاکہ نادرا جیسے عوامی خدمات فراہم کرنے والے اداروں کے لئے واٹس ایپ چینل کا اجراء ایک جدت آمیز اقدام ہے ۔ انہوںنے کہاکہ نادرا واٹس ایپ چینل کو سبسکرائب کرنے والے شہریوں کی تعداد میں تیزی سے اضافہ ہو رہا ہے۔
نادرا انتظامیہ کے مطابق بروقت اور فوری معلومات کی روایت کو برقرار رکھتے ہوئے شہریوں کی رہنمائی کے لئے ہر ممکن کوشش کی جائے گی۔ترجمان نے بتایاکہ شہری نادرا واٹس ایپ چینل کو سبسکرائب کریں اور نادرا خدمات اور سہولیات پر فوری اور درست معلومات حاصل کریں۔
