اسلام آباد(مانیٹرنگ ڈیسک )چینی کی نئی کھیپ مارکیٹ میں آنے کے بعد فی کلو قیمت نیچے گر گئی ۔ چینی کی قیمت میں 20سے 23روپے تک کمی ۔ نجی ٹی وی جیو کی رپورٹ کے مطابق شہریوں نے کہا ہے کہ چینی کی قیمتوں میں کمی سے ریلیف ملا ہے تاہم حکومت باقی کھانے پینے کیدیگر چیزوں کی قیمتوں میں کمی لانے کے اقدامات کرے۔گزشتہ دو ماہ کے دوران کچھ شہروں میں چینی کی فی کلو قیمت 11O روپے سے بھی تجاوز کر گئی تھی لیکن بروقت گنے کی کرشنگ اور مقامی چینی اوپن مارکیٹ میں آتے ہی چینی کی قیمت

میں سے کمی آنا شروع ہو گئی۔چیئرمین آل پاکستان ٹریڈرز ایسویشن اجمل بلوچ کا کہنا ہے چینی کی ہول سیل کی فی کلو اوسط قیمت 80 روپے تک پہنچ چکی ہے، پہلے چینی کی قیمت 110 روپے تک بھی گئی ہے، گنے کی کرشنگ جاری ہے ،،اس وقت سندھ اور پنجاب میں ایکس ملز ریٹ 78 روپے فی کلو ہے۔چئیرمین آل پاکستان شوگر ملز ایسویشن اسکندر خان کا کہتے ہیں چینی کی قیمتوں میں کمی اور استحکام کے لیے حکومت گڑکی آڑ میں افغانستان چینی کی اسمگلنگ کو روکنے کے سخت اقدامات کرے۔