اسلام آباد (آن لائن) پاکستان ریلوے کا معمر شہریوں اور معذوروں کے لئے اہم فیصلہ ،بزرگ شہری اور معذور افراد اب آن لائن ٹکٹ بْک کر سکیں گے۔ تفصیلات کے مطابق پاکستان ریلوے نے ضعیف العمر شہری اور معذور افراد کی ای ٹکٹنگ کے ذریعے بکنگ کے لئے طریقہ کار کی منظوری دے دی۔ریلوے کے ساتھ رجسٹرڈ ضعیف العمر شہری اور معذور افراد مستفید ہو سکیں گے۔
شناختی کارڈ کے حامل ضعیف العمر اور معذوروان کو ای ٹکٹنگ کی سہولت حاصل ہوگی۔ ضعیف العمر شہری اور معذور افراد” کو ریلوے ویب سائٹ www.pakrail.gov.pkسے ای ٹکٹنگ فارم برائے ” ڈاون لوڈ کرنا ہو گا ۔فارم متعلقہ بکنگ/ریزرویشن دفاتر سے بھی حاصل کیا جا سکتا ہے ۔بعد ازاں فارم کے دو سیٹ بھر کر متعلقہ بکنگ ،ریزرویشن دفاتر جمع کروائے جائیں گے۔فارم جمع کرانے کے فوری بعد پاکستان ریلوے سے پہلا ٹکٹ خریدتے ہ آن لائن رعائت مل جائیگی ۔ اکاونٹ کھولنے کے لئے ضعیف العمر شہری اور معذور افراد کو اپنا نام ، شناختی کارڈ نمبر ویب سائٹ پر اپ لوڈ کرنا ہو گا۔ تصدیق کے بعد اس اکاونٹ سے بکنگ کا عمل شروع ہو جائیگا ۔ ضعیف العمر شہری اور معذور افراد کی معلومات ریلوے ریکارڈ کے ساتھ میچ کرنے پر سہولت خود بخود اپلائی ہو جائے گی۔ باقی تمام شرائط و ضوابط دوسرے ای ٹکٹنگ مسافروں جیسی ہوں گی۔ضعیف العمر شہری اور معذور افراد دوران سفر اپناشناختی کارڈچیک کروانے ج کے پابندہوں گے۔ سہولت لینے کا مکمل طریقہ کار موبائل اپلیکیشن پر بھی موجود ہے ۔
