نوابشاہ/سکھر (این این آئی)نواب شاہ کے قریب چھوٹی نہر میں پھنسنے والی ڈولفن شہریوں کی غلفت کی وجہ سے ہلاک ہوگئی۔نواب شاہ کے قریب نہر میں ڈولفن پھنس گئی تھی جسے شہری نے نکالا اور پھر کندھے پر لے کر گھومتا رہا۔ شہریوں کی غفلت کی وجہ سے
ڈولفن زخمی ہوگئی اور پھر شہریوں کے غیر ذمہ دارانہ رویے کے باعث ہلاک ہوگئی۔سندھ وائلڈ لائف ڈپارٹمنٹ کے مطابق وائلڈ لائف کی ٹیم پہنچنے سے پہلے شہریوں نے اسے کینال سے نکال لیا تھا۔محکمہ وائلڈ لائف کے مطابق ڈولفن پر فوری طور پر گیلا کپڑا رکھا جاتا تاہم شہری اسے کندھوں پر لے کر بھاگ گئے اور شہریوں کی لاپرواہی اور غیر سنجیدہ رویے کے باعث ڈولفن ہلاک ہوگئی۔محکمہ وائلڈ لائف کے مطابق محکمہ جنگلی حیات کے قوانین کے تحت سیشن کورٹ سکھر میں آج کیس داخل کیا جائے گا اور ذمہ دار افراد کو 3 سال قید اور 5 لاکھ روپے جرمانہ ہوسکتا ہے۔
