کراچی (این این آئی) ایمریٹس نے سیالکوٹ سے اپنی پروازوں کی آمد و رفت کے شیڈول میں تبدیلی کا اعلان کیا ہے۔ اس تبدیلی کی بدولت مسافر براستہ دبئی دنیا کے چھ براعظموں کے 75 شہروں کے نیٹ ورک تک بہتر انداز سے رسائی حاصل کرسکتے ہیں۔ دبئی کے مقامی وقت کے مطابق پروازوں کے معمولات میں 22 اگست سے تبدیلی کے بعد ایمریٹس کی پرواز 618 EK دبئی سے رات 8 بج کر 55 منٹ پر روانہ ہوگی جبکہ رات کو ایک بج کر

10 منٹ پر سیالکوٹ پہنچے گی۔ ریٹرن فلائٹ 619 EK سیالکوٹ سے 2 بج کر 40 منٹ پر روانہ ہوگی اور صبح پانچ بجے دبئی پہنچے گی۔ سیالکوٹ کے علاوہ ایمریٹس پاکستان میں چار دیگر شہروں سے بھی براہ راست پرواز کی سہولت فراہم کرتا ہے جن میں کراچی، اسلام آباد، لاہور، اور پشاور شامل ہیں۔ مسافروں کی حفاظت کو یقینی بنانے کے لئے دبئی آنے جانے والے ٹرانزٹ سمیت ہر طرح کے مسافروں بشمول متحدہ عرب امارات کے شہریوں، رہائشیوں اور سیاحوں کے لئے دبئی (اور متحدہ عرب امارات) آمد پر کرونا ٹیسٹ لازم ہے، چاہے وہ کسی بھی ملک سے آرہے ہوں۔ دبئی آنے والے افراد کو عالمی معیار کی میزبانی کے ساتھ بہترین تفریحی سہولیات میسر ہیں۔ سال 2019 میں دبئی شہر نے ایک کروڑ 67 لاکھ مسافروں کا خیرمقدم کیا جبکہ سینکڑوں بین الاقوامی اجلاسوں اور نمائشوں کے ساتھ اسپورٹس اور تفریحی تقاریب کا انعقاد ہوا۔ ورلڈ ٹریول اینڈ ٹوارزم کونسل (ڈبلیو ٹی ٹی سی) کی جانب سے دبئی کو ان اولین شہروں میں شامل تھا جس نے محفوظ سفر کا سرٹیفکیٹ حاصل کیا ہوا ہے۔ اس اقدام سے دبئی میں مسافر کی صحت اور حفاظت کو یقینی بنانے کے حکومت کے جامع اور موثر اقدامات کی توثیق ہوتی ہے۔ ایمریٹس نے اپنے مسافروں اور ملازمین کی حفاظت گراؤنڈ اور فضا میں یقینی بنانے کے لئے جامع اقدامات نافذ کئے ہیں جن میں حفظان صحت کی کٹس شامل ہیں جو ماسکس، دستاتے، ہینڈ سینی ٹائزر اور جراثیم کش ٹشو پر مشتمل ہے۔ یہ سہولت تمام مسافروں کو میسر ہے۔ ان اقدامات کے بارے میں مزید معلومات کے لئے یہ لنک (www.emirates.com/yoursafety) وزٹ کریں۔ دبئی آنے والے بین الاقوامی سیاحوں کے داخلے کے لئے مزید شرائط جاننے کے لئے یہ لنک (www.emirates.com/flytoDubai) وزٹ کریں۔ دبئی کے شہری تازہ ترین سفری شرائط کے بارے میں جاننے کے لئے یہ لنک (www.emirates.com/returntoDubai) وزٹ کریں۔

موضوعات:ایمریٹس