کراچی (این این آئی) سونے کی فی تولہ قیمت پیرکو بھی تمام سابقہ ریکارڈ توڑتے ہوئے تاریخ کی نئی بلند ترین سطح پر پہنچ گئی اور فی تولہ 24قیراط سونا 5100روپے کے اضافے سے ایک لاکھ23ہزار800روپے ہو گئی اسی طرح دس گرام 24 قیراط سونا4372روپے کے اضافے سے ایک لاکھ6ہزار138روپے ہوگئی۔
آل کراچی صراف اینڈ جیولرز ایسوسی ایشن کے مطابق فی اونس سونے کی عالمی قیمت 46ڈالر کے غیر معمولی اضافے سے 1896ڈالر ہوگئی جو بین الاقوامی مارکیٹ میں 9 سال کی بلندترین فی اونس سونے کی قیمت ہے۔مقامی مارکیٹ میں فی تولہ 24قیراط چاندی کی قیمت بھی 100روپے بڑھ کر1500روپے ہوگئی۔
