اسلام آباد(مانیٹرنگ ڈیسک)کاروباری ہفتے کے پہلے روز انٹر بینک مارکیٹ میں ڈالر کی قدر میں 97 پیسے اضافہ ہوا جس کے بعد ڈالر 168 روپے 30 پیسے پر بند ہو گیا،دوسری جانب سٹاک مارکیٹ میں کاروبار کے آغاز پر تیزی دیکھنے میں آئی جو کہ اب تک برقرار ہے جس پر کاروباری افراد
اطمینان کا اظہار کرتے دکھائی دیتے ہیں ۔ سٹاک مارکیٹ میں کاروبار کا آغاز ہوا تو 100 انڈیکس 37 ہزار 330 پوائنٹس پر تھا تاہم کچھ ہی دیر میں اس میں بہتری آنے کا سلسلہ شروع ہو گیا ۔سٹاک مارکیٹ میں 370 پوائنٹس کااضافہ ہواہے جس کے بعد 100 انڈیکس 37 ہزار 701 پوائنٹس پر پہنچ گیا۔
