اسلام آباد(سی پی پی) 40 ہزار روپے مالیت کے انعامی بانڈز کی واپسی کا طریقہ کار متعارف کرادیا گیا۔وفاقی حکومت نے ختم کیے گئے 40 ہزار روپے مالیت کے انعامی بانڈز کی واپسی کا طریقہ کار متعارف کرادیا جس کے تحت 30مارچ 2020 تک ان کااندراج کرایا جاسکے گا۔ان کی واپسی 3 طریقوں سے ہوسکے گی مگر اس کے بدلے رقم نہیں ملے گی۔پہلے طریقے کے تحت قومی بچت کے مراکز سے 40 ہزارکے بانڈ کے
بدلے سیونگ سرٹیفکیٹس، سیونگ اکائونٹس سمیت کسی اسکیم میں سرمایہ کاری کرنا ہوگی۔ دوسرے طریقے کے تحت کمرشل بینکوں میں بانڈز واپس کیے جاسکیں گے مگر وہ نقد رقم نہیں دیں گے بلکہ رقم اکائونٹ میں منتقل ہوگی۔ اکائونٹ نہ رکھنے والوں کو اکائونٹس کھلوانا ہوںگے ۔ تیسرے طریقے کے تحت اسٹیٹ بینک اور مجازشاخوں پراندراج کرانے کیلئے شناختی کارڈ نمبراور دیگر کوائف دینا ہوں گے، اس کیلئے پروفارما جاری کردیا گیا ہے۔
