واشنگٹن (این این آئی) بین الاقوامی مالیاتی فنڈ (آئی ایم ایف)نے کہا ہے کہ یوکرین کی اقتصادی پالیسیوں کے باعث اس کے ساتھ14 ماہ پر مشتمل 4 ارب ڈالر قرض فراہمی بارے ایک معاہدے پر اتفاق رائے ہوگیا ہے۔یہ معاہدہ مارچ2015 ء میں ہونے والے ایک مالیاتی پیکج کی جگہ لے گا جس کی مدت پانچ ماہ میں ختم

ہورہی ہے۔اس معاہدے کی فنڈ کے بورڈ سے منظوری لینی ہوگی۔ادھر یوکرین کے وزیراعظم ولادیمر گروزمین آئی ایم ایف سے قرض لینے کے خواہاں ہیں اس کے لیے اقدام کے طور پر انھوں نے گزشتہ روز ملک میں قدرتی گیس کے نرخوں میں 23.5 فیصد اضافے کا اعلان بھی کیا ہے جس پر یکم نومبر سے عمل شروع ہوگا۔

موضوعات:آئی ایم ایف