اسلام آباد(مانیٹرنگ ڈیسک) سوزوکی سوئفٹ 2018ماڈل اگلے ماہ متعارف کروا دی جائے گی جس کی بکنگ شروع ہو چکی ہے۔ سوئفٹ کا یہ تھرڈ جنریشن ماڈل 2.1لٹر پٹرول 84ہارس پاور انجن کیساتھ ہوگا۔ بتایا جاتا ہے کہ یہ گاڑی پہلے کے مقابلے میں کم وزن جبکہ اس میں ایندھن کی اوسط پہلے کے مقابلے میں زیادہ بہتر بنانے کی کوشش کی گئی ہے۔ سوزوکی کمپنی اپنا یہ نیا ماڈل آئندہ
ماہ انڈین ایکسپو میں متعارف کرائے گی۔ امکان ظاہر کیا جا رہا ہے کہ اس کی قیمت 5سے 8لاکھ بھارتی روپے (ساڑھے 8لاکھ سے 14لاکھ پاکستانی روپے)ہو سکتی ہے جبکہ بھارت کے بعد یہ ماڈل پاکستان میں بھی رواں سال متعارف کرا دیا جائے گا۔ پاکستان میں سوزوکی سوئفٹ تھرڈ جنریشن 2018ماڈل کی قیمت سے متعلق تاحال کوئی واضح اعلان یا امکان سامنے نہیں آسکا۔
