اسلام آباد(مانیٹرنگ ڈیسک)نئے سال کے آغاز پر پٹرولیم مصنوعات کی قیمتوں میں 10 روپے فی لٹر اضافے کا امکان۔نجی ٹی وی اے آر وائی نیوز کے مطابق پٹرولیم ڈویڑن ذرائع کا کہنا ہے کہ نئے سال کے آغاز پر پٹرولیم مصنوعات کی قیمتوں میں 10 روپے فی لٹر اضافے کا امکان ہے۔ پٹرول کی قیمت میں 5 روپے 20 پیسے ،

ہائی اسپیڈ ڈیزل کی قیمت میں 4 روپے 50 پیسے ، لائٹ ڈیزل کی قیمت میں 6 روپے جبکہ مٹی کے تیل کی قیمت میں 10 روپے فی لٹر تک اضافے کا امکان ہے۔ پٹرولیم مصنوعات کی قیمتوں میں رد و بدل سے متعلق حتمی اعلان وزارت پٹرولیم کی جانب سے ہی کیا جائے گا۔واضح رہے نئی قیمتوں کا اطلاق یکم جنوری 2018 سے کیا جائے گا۔