اسلام آباد(مانیٹرنگ ڈیسک)حکومت ملک کے اسلامی تشخص کو بھی مٹانے پر تل گئی،حال ہی میں سٹیٹ بینک آف پاکستان کی جانب سے جاری کئے گئے 100 روپے کے نئے سکے پر اسلامی جمہوریہ پاکستان کی بجائے حکومت پاکستان لکھ دیا گیا۔میڈیا رپورٹس کے مطابق 100 روپے کے جاری کردہ نئے سکے پر اسلامی جمہوریہ
پاکستان کی بجائے صرف حکومت پاکستان لکھ دیا گیا ہے ۔واضح رہےکہ اس سے پہلے کرنسی کے سکوں پر اسلامی جمہوریہ پاکستان لکھا جاتا رہا ہے جو 1973کے آئین کے مطابق پاکستان کا مکمل دفتری نام ہے۔عوام کی جانب سے اس پر شدید ردعمل سامنے آیا ہے اور متعلقہ حکام سے اس پر سخت ایکشن کا مطالبہ کیا گیا ہے۔
