کراچی (مانیٹرنگ ڈیسک) انٹربینک مارکیٹ میں روپے کے مقابلے میں ڈالر کی قدر میں کمی جبکہ اوپن مارکیٹ میں روپے کے مقابلے میں ڈالر کی قدر میں اضافے کا رجحان رہا۔ فاریکس ایسوسی ایشن آف پاکستان کی جانب سے جاری اعداد وشمار کے مطابق جمعرات کو انٹربینک مارکیٹ میں روپے کے مقابلے میں ڈالر کی قدر میں 3 پیسے کی کمی ریکارڈ کی گئی جس کے نتیجے میں ڈالر کی قیمت خرید 110.50 روپے سے گھٹ کر 110.47 روپے

اور قیمت فروخت 110.60 روپے سے گھٹ کر 110.57 روپے ہوگئی۔ جمعرات کو اوپن کرنسی مارکیٹ میں ڈالر کی قدر میں 30 پیسے کا اضافہ ریکارڈ کیا گیا جس کے نتیجے میں ڈالر کی قیمت خرید 110.00روپے سے بڑھ کر 110.30 روپے اور110.50روپے سے بڑھ کر 110.80 روپے ہوگئی۔ یورو کی قیمت خرید میں 10 پیسے اور قیمت فروخت میں50 پیسے کا اضافہ جبکہ برطانوی پاؤنڈ کی قدر میں 25 پیسے کی کمی ریکارڈ کی گئی جس کے نتیجے میں بالتریب یورو کی قیمت خرید 129.40 روپے سے بڑھ کر 129.50 روپے اور قیمت فروخت 131.00 روپے سے بڑھ کر 131.50 روپے ہوگئی۔ برطانوی پاؤنڈ کی قیمت خرید 146.25 روپے سے گھٹ کر 146.00 روپے اور قیمت فروخت 148.25 روپے سے گھٹ کر 148.00 روپے ہوگئی۔ جمعرات کو سعودی ریال کی قیمت خرید استحکام جبکہ یو اے ای درہم کی قیمت خرید میں 10 پیسے کا اضافہ اور فروخت میں استحکام رہا جس کے نتیجے میں بالترتیب سعودی ریال کی قیمت خرید 29.15روپے اور قیمت فروخت 29.45 روپے پر مستحکم رہی جبکہ یو اے ای درہم کی قیمت خرید 29.80 روپے سے بڑھ کر 29.90 روپے اور قیمت فروخت 30.20 روپے سے بڑھ کر 30.20 روپے پر مستحکم رہی۔ فاریکس ایسوسی ایشن کے صدر ملک بوستان کے مطابق ڈالر مہنگا ہونے سے دیگر کرنسی بھی مہنگی ہوگئی ہیں ۔

موضوعات:ڈالر کی قدر میں کمی