اسلام آباد(مانیٹرنگ ڈیسک) آئرلینڈ کی فضائی کمپنی ریان ائیرلائن نے 10لاکھ ٹکٹوں کی سیل لگادی ہے ۔ ان ٹکٹوں کی قیمت اتنی کم ہے کہ آپ حیران رہ جائیں گے۔ غیر ملکی اخبار کی ایک رپورٹ کے مطابق ریان ائیر لائن نے اپنی 10لاکھ ٹکٹوں کی سیل لگاتے ہوئے ان ٹکٹوں کی قیمت حیرت انگیز طور پر بہت کم رکھی ہے،سیل پر لگائے گئے ٹکٹوں کی قیمت صرف 4.99پائونڈ جو پاکستانی صرف 700روپے سے شروع ہو رہی ہے۔ اس سیل کا وقت جاری ہے اور یہ

وقت 25ستمبر کی رات 12بجے تک جاری رہے گا۔ سیل میں اکتوبر 2017ءسے فروری 2018ءکے درمیان لندن کے سٹین سٹیڈ، ایڈنبرا اور نیوکاسل ایئرپورٹس سے دیگر ممالک کے سفر کے لیے ٹکٹ دستیاب ہیں۔واضح رہے کہ گزشتہ دنوں ریان ائیر لائن کے پائلٹوں کی چھٹیوں میں گڑ بڑ کی وجہ سے اس کی پروازوں کی تاخیر کی شرح میں اضافہ ریکارڈ کیا گیا جس کی وجہ سے کمپنی نے آئندہ چند ہفتوں میں اپنی 4لاکھ سے زائد پروازیں منسوخ بھی کرنے جا رہی ہے۔