اسلام آباد (مانیٹرنگ ڈیسک) 320 ائیر لائنز میں سے انٹرٹینمنٹ ایوارڈ ایمریٹس ائیر لائن کے حصے میں آیا۔ تفصیلات کے مطابق ایمریٹس ایئر لائن نے مسلسل13ویں بار انٹرٹینمنٹ ایوارڈ جیت لیا ہے، ایمریٹس ایئر لائن کو بیسٹ فرسٹ کلاس کمفرٹ ایمنیٹیز کے لئے بھی منتخب کر لیاگیا ہے، یہ نتائج 19.8 ملین صارفین کی رائے پر بنائے گئے تھے، 320سے زائد ایئر لائنوں کو پرکھا گیا۔ یہ ایوارڈز اسکائی ٹریکس ورلڈ ایئر لائن ایوارڈز 2017

میں دیئے گئے۔ اسکائی ٹریکس ورلڈ ائیر لائن ایوارڈز کو صنعت میں کسی بھی ائیر لائن کی عالمی سطح پر سبقت کی علامت کے طور پر جانا جاتا ہے۔ یہ ایوارڈ ثابت کرتا ہے کہ ایمریٹس ائیر لائن تمام ائیر لائنز پر بازی لے گئی ہے، اس سال یہ نتائج 105ممالک سے19.8 ملین صارفین کی رائے پر مبنی تھے۔ اس سروے میں اگست 2016ء سے مئی 2017ء تک 320 سے زائد ایئر لائنوں کی کارکردگی کو صارفین کی رائے پر پرکھا گیا۔