کراچی(آئی این پی)وفاقی وزیر منصوبہ بندی و ترقی احسن اقبال نے کہا ہے کہ پاکستان کو ایشیاء کا معاشی ٹائیگر بنائیں گے،دنیا پاکستان کو ابھرتا ہوا ملک دیکھ رہی ہے،دنیا کے بڑے ملک سی پیک میں شامل ہونا چاہتے ہیں،گذشتہ ادوار میں محمد نوازشریف کی معاشی پالیسیوں کو چلنے نہیں دیا گیا،معاشی پالیسیوں میں عدم تسلسل کی وجہ سے ترقی کی دوڑ میں پیچھے رہ گئے،معاشی پالیسیوں کے ساتھ سیاسی استحکام اور سازگار ماحول بھی ضروری ہے۔پیر کو کراچی میں دائود انجیئرنگ یونیورسٹی میں
تقریب سے خطاب کرتے ہوئےوفاقی وزیر منصوبہ بندی و ترقی احسن اقبال نے کہا ہے کہ مثبت سوچ رکھنے والے افراد ہی زندگی میں آگے بڑھتے ہیں،سی پیک نے دنیا کی نظر میں پاکستان کی حیثیت کو تبدیل کردیا ہے،دنیا کے بڑے ملک سی پیک میں شامل ہونا چاہتے ہیں،دنیا پاکستان کو ابھرتا ہوا ملک دیکھ رہی ہے۔انہوں نے کہاکہ گذشتہ ادوار میں محمد نوازشریف کی معاشی پالیسیوں کو چلنے نہیں دیا گیا،معاشی پالیسیوں میں عدم تسلسل کی وجہ سے ترقی کی دوڑ میں پیچھے رہ گئے،معاشی پالیسیوں کے ساتھ سیاسی استحکام اور سازگار ماحول بھی ضروری ہے۔احسن اقبال نے کہاکہ پاکستان کو ایشیاء کا معاشی ٹائیگر بنائیں گے،موجودہ دور میں تعلیم کے تقاضے تبدیل ہوچکے ہیں،مستقبل میں مقابلے کیلئے آئی ٹی اور جدید ٹیکنالوجی کے ماہرین کی ضرورت ہوگی،ملک میں انجیئرنگ کی تعلیم کیلئے زیادہ سے زیادہ وسائل فراہم کررہے ہیں۔
