اسلام آباد(مانیٹرنگ ڈیسک) پاک، چین اقتصادی راہدری منصوبے کی ویب سائٹ کا افتتاح کر دیا گیا ہے۔ایک نجی ٹی وی کے مطابق چینی سفیر سن وی ڈونگ نے افتتاحی تقریب میں شرکت کی ۔
ا س موقع پر چینی سفیر سن وی ڈونگ نے تقریب سے خطاب کرتے ہوئے کہا کہ چین نے سلک روڈ بینک اور ایشین انفراسٹرکچر بینک بنا دئیے ہیں اور سی پیک منصوبے پر بھرپور انداز میں کام شروع ہو چکا ہے۔ انہوں نے کہاکہ سی پیک کے 17 مختلف منصوبوں میں 10 ہزار مقامی افراد کو ملازمتیں ملی ہیں ۔
