کراچی(این این آئی) ملک بھرکی صرافہ مارکیٹوں میں ایک تولہ سونے کی قیمت ایک بار پھر52ہزارروپے کی بلند سطح پر جا پہنچی۔منگل کے روزعالمی صرافہ مارکیٹ میں11ڈالرکے ریکارڈاضافے سے فی اونس سونے کی قیمت1285ڈالرہوگئی ۔

آل پاکستان سپریم کونسل جیولرز ایسوسی ایشن کی رپورٹ کے مطابق ملکی صرافہ مارکیٹوں میں ایک تولہ سونے کی قیمت میں200روپے کااضافہ ریکارڈکیاگیاجس کے بعد کراچی،حیدرآباد،لاہور،فیصل آباد،اسلام آباد،راولپنڈی اورکوئٹہ کی صرافہ مارکیٹوں میں ایک تولہ سونے کی قیمت51ہزار800روپے سے بڑھ کر52ہزارروپے پرجاپہنچی اسی طرح171روپے کے اضافے سے دس گرام سونے کی قیمت44ہزار571روپے پرہوگئی جبکہ ایک تولہ چاندی کی قیمت750روپے پربدستوربرقراررہی ۔