اسلام آباد(مانیٹرنگ ڈیسک)سعودی عرب کی سرکاری تیل کمپنی نے مصرکی پیٹرولیم منصوعات کومعطل کرنے کافیصلہ کرلیاہے ۔تفصیلات کے مطابق سعودی عرب کی سرکاری تیل کمپنی آرامکو نے مصر کو پٹرولیم کی مصنوعات معطل کرنے کا فیصلہ کیا ہے اور اس نے مصر کی سرکاری تیل کمپنی جنرل پٹرولیم کارپوریشن کو اس فیصلے سے رواں ماہ کے شروع میں ہی آگاہ کردیاتھاجس کی پیرکے روزمصرکے اعلی عہدیدارنے تصدیق کردی لیکن اس عہدیدارنے سعودی عرب سے پٹرولیم مصنوعات کی برآمدات معطل ہونےکے اسباب نہیں بتائے اورنہ ہی یہ بتایاکہ سعودی سرکاری تیل کمپنی نے اپنی مصنوعات مصرکےلئے کتنے عرصہ تک کےلئے بندکی ہیں ۔ایک برطانوی خبررساں ادارے نے بھی ایک ہفتہ قبل یہ انکشاف کیاتھاکہ مصر کو اکتوبر میں سعودی عرب کی جانب سے پٹرولیم کی مد میں امداد نہیں ملی ہے جس کی وجہ سے مصر کی سرکاری تیل کمپنی کو جلدی میں ٹینڈرز بڑھانا پڑے ہیں دوسری طرف اس وقت مصرکوپیڑولیم مصنوعات کے شدیدبحران کاسامناہے اوردوسری طرف سے سعودی سرکاری تیل کمپنی کی طرف سے بندش کے فیصلے سے مصرکی معیشت کوبہت زیادہ نقصان پہنچنے کاخدشہ ظاہرکیاگیاہے ۔